Dadka haysto abaalmarinta Nobel oo ku baaqay difaaca muslimiinta Rohingya

Dadka haysto abaalmarinta Nobel oo ku baaqay difaaca muslimiinta Rohingya


ADVERTISEMENTS
Dadka ku guuleystay abaalmarinta nabadda caalamiga ah ee Nobel peace prize oo gaaraya 11 qof ayaa ugu baaqay Qaramada Midoobeey "inay soo afjarto dhibaatada" haysato muslimiinta Rohingya ee Myanmar.

Warqad ay soo saareen ayey ku cambaareeyeen hogaamiyaha dalkaasi ee Aung San Suu Kyi.

Warqad furan ayey kooxdan ku sheegeen in howlgalka dowladda ee ka dhanka ah bulsho "in uu dhallinkaro baab'inta qowmiyad dhan".

In kabadan 34 kun oo Rohingya ah ayaa ka qaxay howlgalka militariga ay ka wadaan gobolka Rakhine, sida ay UN sheegtay.

Ms Suu Kyi, oo ah hogaamiyaha ruuxiga ee dalkaasi Myanmar, waxaa lagu eedeeyay inay ku guul dareysatay difaaca qowmiyadaha laga tirada badan yahay.
"Musiibo dhallin karta in qowmiyad la suuliyo, iyo dembiyo ka dhan ah aadanaha ayaa ka socdo dalka Myanmar," ayey sheegeen kooxda warka soo saartay.


Waxaa ka mid ah dadkan, baadariga reer Koofur Afrika, Desmond Tutu iyo gabadha Pakistan u dhalatay ee Malala Yousafzai.
Waxay warqadda u direen golaha amniga ee Qaramada Midoobeey.
"Haddii aan ku guul dareysano inaan tallaabo qaadno, dadka waxay u dhammaan doonaan gaajo, haddii xabadda ay ka badbaadaan", ayey ku xuseen warkooda.

Dad badan oo isugu jira, nabad-doonayaal, siyaasiyiin, Deeqsiyaal, iyo dad arrimaha aadanaha u ololeeya ayaa sheegay inay "ku wareersan yihiin" Ms Suu Kyi, oo horey ugu guuleysatay abaalmarinta nabadda.
Waxay sheegayaan inaysan fahmin "sababta aysan u qaadin tallaabo ay ku xaqiijineyso in xuquuq siman ay helaan muslimiinta Rohingya".



Ugu yaraan 86 qof ayaa ku dhimatay howlgal ay ciidamada ka wadaan gobolka Rakhina.
Howlgalkaasi wuxuu bilowday ka dib markii maleeshiyaad hubeysan ay weerareen xarun boolis oo ku taalla xuduudda Maungdaw, ayna ku dileen 9 askeri.

Horraantii bishan, Qaramada Midoobeey ayaa dowladda Myanmar ku eedeysay inay si xun ula dhaqanto shucuubta muslimiinta ee Rohingya.

Dowladda Myanmar waxay sheegtay inay fulineyso howlgal ka dhan ah wax ay ugu yeertay argagixiso, waxayna beenisay wararka sheegaya in dilalka iyo xadgudubyada kale la geystay.
Inta badan Rohingya ha ka qaxay Myanmar waxay u tallaabeen dhanka dalka Bangladesh.

Dhowaantan waxaa dalka Malaysia ka dhacay dibad bax ka dhan ah dhibaatada la sheegay in lagu hayo Rohingya.
Daawo dibad baxaasi:




Dibad bax ka dhan ah dhibka haysto Ronhingya
Jimcihii, wasiirka arrimaha dibadda ee dalka Myanmar, Kyaw Zaya, wuxuu wakaaladda wararka ee Reuters u sheegay inay aqoonsadeen 2,415 qof oo muwaadiniintooda ah oo ku sugan Bangladesh.

Wuxuu tilmaamay inay dadkaasi ugu baaqayaan inay dalkooda ku noqdaan, lana soo dhoweyn doono.

ADVERTISEMENTS
thumbnail Title: Dadka haysto abaalmarinta Nobel oo ku baaqay difaaca muslimiinta Rohingya
Posted by:galmada Net
Published :2017-01-01T03:45:00+07:00
Rating: 3.5
Reviewer: 5 Reviews
Dadka haysto abaalmarinta Nobel oo ku baaqay difaaca muslimiinta Rohingya



share this article to: Facebook Twitter Google+ Linkedin Technorati Digg
Posted by galmada Net, Published at 3:45 AM and have 0 comments