Mudaaharaad ka socda Faransiiska oo qaxooti lagu diidan yahay

Mudaaharaad ka socda Faransiiska oo qaxooti lagu diidan yahay


ADVERTISEMENTS
Kumanaan dad ah ayaa mudaaharaad ka dhigaya magaalada Calais ee dalka Faransiiska iyaga oo dalbanaya in la xiro xero qaxooti oo loo yaqaano Jungle.
Dadkaasi waxay qorshaynayaan in ay xiraan wadooyinka waawayn, ayna isku aruursadaan wadada aada dekedda.
In kabadan 7,000 oo ruux ayaa hadda ku nool xeradaas iyada oo xaaladoodu liidato, badankooduna waxay isku dayayaan in ay ku boodaan gawaarida waawayn ee xamuulka si ay u gaaraan dalka Britain.
Dadka mudaaharaadaya waxay sheegayaan in xeradaasi ay wax u dhimayso magaalada ayna carqaladaynayso hawlaha dekedda. Arrintan ayaana noqon doonta mudaaharaadkii ugu waynaa ee dadka deegaanku ay kaga soo horjeedaan xeradaas qaxootiga.

Duqa magaalada Calais, Natacha Bouchart ayaa sheegtay in ay qorshaynayso in ay ku biirto mudaaharaadka iyada oo sheegtay in xaaladda xeradaasi ay noqonayso mid aan loo adkaysan karin.
Dadka ku nool xeradaasi intooda badan waxay ka soo kala jeedaan Bariga Dhexe, Afghanistan iyo Afrika waxayna rajaynayaan in ay ka sii gudbaan iyaga oo isku dayaya in ay si sharci darro ah kaga baxaan iyaga oo adeegsanaya dadka wax tahriibiya.



ADVERTISEMENTS
thumbnail Title: Mudaaharaad ka socda Faransiiska oo qaxooti lagu diidan yahay
Posted by:galmada Net
Published :2016-09-05T17:59:00+07:00
Rating: 3.5
Reviewer: 5 Reviews
Mudaaharaad ka socda Faransiiska oo qaxooti lagu diidan yahay



share this article to: Facebook Twitter Google+ Linkedin Technorati Digg
Posted by galmada Net, Published at 5:59 PM and have 0 comments