Maryan Xasan Xiireey “Markaan Ka soo Kacay DHaawacii I gaaray waxaa la igu Wargeliyey in Ninkeygii i furey”

Maryan Xasan Xiireey “Markaan Ka soo Kacay DHaawacii I gaaray waxaa la igu Wargeliyey in Ninkeygii i furey”


ADVERTISEMENTS
Todobaadkii la soo dhaafay aniga oo ku sugan Xafiiskeyga waxaa iigu soo gashey Gabadh Garbaha la hayo, waxaan da’adeeda ku qiyaasey 24 jir, waxay iila muuqatey Gabar Qaarka dambe laga hayo salaan iyo isbariideysi ka dib waxaan bilaabey in aan wareysto.

Waxaan weydiiyey ujeedkeeda? waxay tidhi iyadoo markaa uu xanuun hayo “Walaal Waxaa la I yiraahdaa Maryan Xasan Xiireey, dad baa ii kaasoo tilmaamey in aad wax ka qorto inta badan arimaha Bani’aadanimada, marka sidaa ayaan kuugu imid kuna darso in aan muddo ku raadinayey” Waxaan kaloo weydiiyey waxa ay hadda u baahan tahay in aan u qabto? waxay ku jawaabtey “Walaal waxaan doonayaa in aad ii qaylo dhaamiso si aan Ummadda Soomaaliyeed ee ku nool dalka Gudihiisa iyo dibadiisa aan Caawin uga helo”

Waxaan weydiiyey Goortay Dhaawacantay? waxay ku jawaabtey ““Waxaan ku dhaawacmay rasaas ay fureen Ciidamadii Itoobiya 2009-dii anigoo ka adeeganaya Suuq Bacaad oo hadana Uur leh, waxay wax iga gaareen labada lugood, waxaan soo naaxay anigoo aala Isbitaalka Kaydsaneey, wax yar ka dib markii uu Miyirkeyga soo laabtey waxaa la igu wargeliyey in Ninkaygii i furay sababo la xiriira dhaawacayga oo aad u cuslaa, waxay ahayd hadal aan maqlo kii ugu qaraaraa sababtoo ah aniga caruurtayda Alle ka sokow isaga ayaan ku tiirsanayn”. Waa ay sii hadshey Maryan oo waxay tidhi

“Dhibaatadaas waxaan la soo kufoo kacaba waxaan aakhirkii la dagey Hooyadey oo degeneyd Suuqa Xoolaha waxaana intaa noo sii dheereyd in aan hadba Magaalada dhinac ugu barakacno, haatan waxaan ku noolnahay Ex- Kontorool Afgooye Inagoo Guri Cooshado ka Sameysan ku jirno, halkaas ayaan maalina ku quudanaa maalina ku qadnaa”. Waxay ii sheegtey Maryan in Sadex Caruur ah oo ay dhashey ay Laba ka mid ahi ka Saqiireen midna uu la nool yahay.

Gabagabdii Gabadhaasi Dhiban waxay tiri. “Waxaan ka codsanayaa Ummadda Soomaaliyeed ee wax haysata iyo Hayadaha Samafalka gaar ahaan ururada Haweenka in ay iga Caawiyaan sidii aan ku heli lahaa Caafimaad Dalka Gudihiisa ama Dibadiisa, waayo Dhaqaatiirtu waxay ii sheegeen in Dhaawaceyga wax laga qaban karo hadii la helo dhaqaalihii lagu maareyn lahaa”.




Hadaba Cidii dooneysa in ay Caawintaa Gabadhaas Dhaiban ha kala soo xiriireen



ADVERTISEMENTS
thumbnail Title: Maryan Xasan Xiireey “Markaan Ka soo Kacay DHaawacii I gaaray waxaa la igu Wargeliyey in Ninkeygii i furey”
Posted by:galmada Net
Published :2016-05-02T05:00:00+07:00
Rating: 3.5
Reviewer: 5 Reviews
Maryan Xasan Xiireey “Markaan Ka soo Kacay DHaawacii I gaaray waxaa la igu Wargeliyey in Ninkeygii i furey”



share this article to: Facebook Twitter Google+ Linkedin Technorati Digg
Posted by galmada Net, Published at 5:00 AM and have 0 comments