Shirkii Istanbul ee arrimaha Soomaaliya oo furmay – Sawiro

Shirkii Istanbul ee arrimaha Soomaaliya oo furmay – Sawiro


ADVERTISEMENTS
Madaxweynaha Turkiga Recep Tayyib Erdogan ayaa  maanta si rasmi ah u furay shirka madasha 6-aad ee heerka sare ee Soomaaliya iyo beesha caalamka, kaasoo looga hadlayo arrimaha amniga iyo siyaasadda dalka Soomaaliya.

Madasha HLPF ayaa waxaa martigelinaysa dowladda Jamhuuriyadda Turkiga, waxaana ka qeyb galaya madaxweynaha Soomaaliya Xasan Sheekh Maxamuud, Raysal wwasaaraha ergooyin ka socda 50 dal iyo 12 urur oo caalami ah.

Shirka oo socon doona muddo laba maalmood ah, ayaa waxaa qiimeyn iyo dib u eegis lagu sameyn doonaa horumarka laga sameeyay barnaamijka cusub ee Soomaaliya (the Somali Compact), kaas oo markii ugu horeysey lagu ansixiyey magaalada Brussels bishii September sannadkii 2013.

Barnaamijka cahdiga cusub ayaa waxaa ka abuurmey iskaashi ku saleysan isla xisaabtan, wadaagidda khatarta iyo mas’uuliyadaha ee dhinacyada Soomaaliya iyo beesha caalamka si loo hago horeyna loogu dhaqaajiyo ajendaha siyaasadda, amniga iyo horumarka Soomaaliya.

Waxaaa sanadkiii hore uu barnaamijkan ku tallaabsadey horumar la taaban karo, dhinacyada siyaasadda, amniga iyo agendaha horumarinta.

Madasha heerka sare ee Soomaaliya iyo waddamada ay iskaashiga leeyihiin ayaa la filayaa in lagu taageero go’aanka dowladda federaalka ah ee Soomaaliya ee nooca doorasho ee dalka ka dhacaysa sannadkan 2016-ka, inuuu ka doodo, khariiradda la isku wada raacsan yahay oo ku saabsan doorashada 2020-ka, dib u qaabeynta amniga, dardar-gelinta dadaalka dib u eegista iyo dib u qorista dastuurka federaalka, isla markaana wax laga qabto baahiyaha aasaaska u ah dhinaca horumarinta si loo xaqiijiyo mustaqbalka nabadda iyo barwaaqada Soomaaliya.

Madaxweyne Erdogan oo ka hadlayay furitaanka shirka ayaa ugu baaqay beesha caalamka in ay door muuqda ka ciyaaraan taageerida Soomaaliya.







ADVERTISEMENTS
thumbnail Title: Shirkii Istanbul ee arrimaha Soomaaliya oo furmay – Sawiro
Posted by:galmada Net
Published :2016-02-24T03:00:00+07:00
Rating: 3.5
Reviewer: 5 Reviews
Shirkii Istanbul ee arrimaha Soomaaliya oo furmay – Sawiro



share this article to: Facebook Twitter Google+ Linkedin Technorati Digg
Posted by galmada Net, Published at 3:00 AM and have 0 comments