Soomaaliya Oo Xiriirka U Jartay Iran

Soomaaliya Oo Xiriirka U Jartay Iran


ADVERTISEMENTS
Dowladda Soomaaliya ayaa ku dhowaaqday inay xiriirka u jartay dalka Iran, kadib go’aan kasoo baxay golaha wasiirada.

Bayaan kasoo baxay wasaaradda arrimaha dibedda Soomaaliya ayaa lagu sheegay in “Ayadoo la fulinayo go'aanka ka soo baxay Golaha Wasiirada Xukuumadda Jamhuuriyadda Federaalka Soomaaliya, January 07, 2016 , Wasaaradda Arrimaha Dibadda iyo Dhiirigelinta Maalgashiga waxa ay u yeertay Siihayaha Safaaradda Jamhuuriyadda Islaamiga Iran ee Muqdisho, waxa ayna guddoonsiisay go'aanka”.

Wasaaradda arrimaha dibedda Soomaaliya waxa ay sheegtay in lagu codsaday sii hayaha safiirka Iran ee Muqdisho iyo diblomaasiyiinta kale ee Iran in ay dalka uga baxaan muddo 72 saacadood gudahood ah.

Talaabadan, ayey dowladda Somalia sheegtay inay timid “Kadib baaritaan dhab ah oo la sameeyay, laguna ogaaday in Iran ay ka fulineysay Soomaaliya howlo qalqal gelinayay amniga, deganaanshaha, wadajirka iyo midnimada Ummadda Soomaaliyeed”.

Dowladda Soomaaliya ayaa sidoo kale sheegtay inay ugu baaqeyso Iran “Inay xushmeyso madax banaanida dowladaha, joojiso faragelinta gudaha, ilaaliso qawaaniinta, heshiisyada caalamiga ah iyo cahdiga Vienna ee xiriirada diblomaasiyadeed”.



ADVERTISEMENTS
thumbnail Title: Soomaaliya Oo Xiriirka U Jartay Iran
Posted by:galmada Net
Published :2016-01-08T02:30:00+07:00
Rating: 3.5
Reviewer: 5 Reviews
Soomaaliya Oo Xiriirka U Jartay Iran



share this article to: Facebook Twitter Google+ Linkedin Technorati Digg
Posted by galmada Net, Published at 2:30 AM and have 0 comments