MADAXWEYNAHA SOMALIYA OO GAARAY MAGAALADA ADDIS ABABA (DAAWO SAWIRADA)

MADAXWEYNAHA SOMALIYA OO GAARAY MAGAALADA ADDIS ABABA (DAAWO SAWIRADA)


ADVERTISEMENTS
Madaxweynaha Jamhuuriyadda Somaliya, Xasan Sheekh Maxamuud, ayaa gelinkii dambe ee Jimcihii gaaray Magaalada Addis Ababa ee Xarunta Wadanka Itoobiya, iyadoona uu kaga qaybgeli doono Shir Madaxeedkii 26-aad ee Midowga Afrika.

Shir Madaxeedka Midowga Afrika, ayaa arrimaha ugu waawayn ee lagu soo qaadi doono waxaa ka mid ah colaadaha ka aloosan dalalka Burundi iyo Koonfuurta Suudaan.

Madaxa Guddiga Sare ee Midowga Afrika, Nkosazana Dlamini-Zuma, ayaa dhankeeda waxay xusuusisay madaxda Afrika in laga dhabeeyo, lana fuliyo balanqaadkii hore loo gaarey ee ahaa in qaaradda Afrika laga ciribtiro colaadaha.marka la gaaro sanadka 2020.

Waxaa sidoo kale shirka barbar socon doona shir madaxeed gaar ah oo madaxda IGAD ay kaga hadli doonaan arrimaha Soomaaliya iyo shir madaxeed iyana gaar ah oo ay isugu imaan doonaan madaxda dalalka ciidammada ay ka joogaan Soomaaliya oo looga hadli doono hawlgalka nabad ilaalinta Midowga Afrika ee AMISOM.

Madaxweyne Xasan Sheekh Maxamuud, ayaa inta shirkan uu socdo waxaa uu shir guddoomin doonaa shir ay isugu imaanayaan madaxda Bariga Afrika ee ku jira Taliska Ciidammada Gaarka ee Bariga Afrika. Shirkan ayaa waxaa looga arrinsan doonaa xasaradda ka aloosan dalka Burundi iyo sidii dalkaasi ciidammo nabad ilaalin ah loogu diri lahaa.

Madaxweynaha, ayaa kulamo la qaadan doona madaxda ka qeybgaleysa Shir Madaxeedka Midowga Afrika, oo ay ka mid yihiin Madaxweynaha Masar Abdel Fattah el-Sisi , Xoghayaha Guud ee Qaramada Midoobay Ban Ki Moon iyo madax kale.

Shirkan waxaa ka qaybgalaya 54-ta dowladood ee xubnaha ka ah ururka, iyadoo wasiirada arrimaha dibedda ee dalalkan ay horay u yeesheen kulamo ay ku diyaarinayaan ajendaha shirka.








ADVERTISEMENTS
thumbnail Title: MADAXWEYNAHA SOMALIYA OO GAARAY MAGAALADA ADDIS ABABA (DAAWO SAWIRADA)
Posted by:galmada Net
Published :2016-01-31T00:30:00+07:00
Rating: 3.5
Reviewer: 5 Reviews
MADAXWEYNAHA SOMALIYA OO GAARAY MAGAALADA ADDIS ABABA (DAAWO SAWIRADA)



share this article to: Facebook Twitter Google+ Linkedin Technorati Digg
Posted by galmada Net, Published at 12:30 AM and have 0 comments